Fresvik naturmøteplass, Fresvik, Vik

Slik kan det også gjerast. I Fresvik har dei valt seg eit byggesett, rett og slett ei grillhytte. Fordelen med dette er at du får ein enklare prosess når det gjeld økonomi, utforming og bygging - for å oppnå same funksjon som dei andre naturmøteplassane. 

Det kan hende at desse byggesetta ikkje varar like lenge som nokre av dei andre eksempla, men for nokon kan dette vere det rette valet. 

Grillhytta står open heile året og kan ta imot ca 20 personar. Det er bilveg heilt fram. Den står i eit område som er mykje brukt som utgangspunkt for lengre turar i merka løyper. Det er også eit populært område for bærplukking og fint for dei minste som ikkje kan gå så langt.