Pinnebrød med marshmallows

Slett ikkje sunt - men veldig, veldig godt. 

Du treng:

Til ca 30 pinnebrød: 

• 1 kg mjøl
• 6 dl melk eller vatn
• 100 gram sukker 
• 2 ts salt
• 50 gram gjær
• 100 gram smelta smør
• Marshmallows
• Bakebolle og sleiv
• Kanel
• Kniv til å spikke grillspyd (og ein plass å hente pinnar)

Slik gjer du:

1. Bland melka og smøret. Blandinga skal vere lunka.
2. Bland i det tørre, du kan spare litt av mjølet.
3. La deigen heve i minst ein time.

Om aktiviteten:

Spikk pinnar medan deigen hevar seg. Dei må vere såpass lange at du får passeleg avstand til bålet. Ca ein meter bør vere bra. Pass på at du ikkje tek ein tresort som gjev mykje smak til maten. (Du kan rett og slett smake på ein kvist, så finn du fort ut det.)

Tre marshmallows på ein pinne. Bruk same mengde deig som om du skulle bake ein bolle, og pakk inn marshmallowsen så tett du får til. Strø evt kanel på. Steik over bålet til deigen får ein fin og gylden farge.