Wok

Alle grønsaker kan tilberedast på bål. 

Du treng:

• Ei stor gryte eller takke
• Knivar og skjerefjøler
• Grønsaker etter ønske
• Buljong
• Soyasaus
• Maizena
• Ingefærkrydder 

Slik gjer du:

1. Pakk ut og skyll grønsakene.
2. Skjer grønsakene i små bitar.
3. Ha litt olje i ei panne, steik grønsakene på høg varme. 
4. Lag woksaus ved å blande 1 buljongterning i 2 dl vatn, tilsett deretter 2 ss soyasaus, 2 ss maizena og 1 ts ingefær.
5. Hell sausen over grønsakene når dei nærmar seg ferdig steikt. 

Hvis du vil ha kjøt eller fisk i woken så steiker du det ferdig først, tek det til side og legg det i retten samtidig som du har over sausen. 

Serveringstips: De kan fylle wok i lefse eller pitabrød, så slepp de bruke fat og bestikk!

Om aktiviteten:

Her kan mange bidra med hakking og kutting. Forsøk å tenkje ut kva grønsaker som vil trenge lite og mykje steiketid. Dei som treng mest steiketid (dei hardaste) legg du først i panna og fyller gradvis på med meir, slik at du ikkje mister varmen i panna. Vend grønsakene ofte slik at dei vert jamnt steikt. Hell over sausen og la retten koke saman i eit par minutt. Så er den klar til servering.